अन्तिम मिनेटको गोलसँगै इंग्ल्याण्डको पहिलो जित, वेल्स हार्‍यो

34
Want create site? Find Free WordPress Themes and plugins.

ड्यानिअल स्टरेजले अन्तिम मिनेटमा गोल गरेपछि इंग्ल्याण्डले युरो कप फुटबलमा महत्वपूर्ण जित हात पारेको छ ।

बिहीबार भएको आफ्नो दोस्रो खेलमा इंग्ल्याण्डले बलियो प्रतिद्वन्द्वी वेल्सलाई २-१ गोल अन्तरले पराजित गरेको हो । पहिलो हाफको अतिमतिर एक गोलले पछि परेको इंग्ल्याण्डले दोस्रो हाफमा उत्कृष्ट कमब्याक गर्‍यो र दुई सब्सिच्युडको गोलमा बेल्सलाई हराउन सफल भएको छ ।

लेन्समा भएको खेलमा वेल्सले ४२ औं मिनेटमा ग्यारेथ बेलको गोलबाट अग्रता लिएको थियो । उनले करिव ३० यार्ड टाढाबाट फि्रकिकमा उत्कृष्ट गोल गरे ।

खेल तथ्य
इंग्ल्याण्ड
गोलः भर्डी ५६, स्टरेज ९०+१
बल पोजिसन: ६९%
पोष्ट चार्जः २०
पोष्ट चार्ज अन टार्गेटः ५
कर्नरः ९
वेल्स
गोलः बेल ४२
बल पोजिसन: ३१%
पोष्ट चार्जः ८
पोष्ट चार्ज अन टार्गेटः २
कर्नरः ३

तर, दोस्रो हाफको सुरुमा नै इंग्ल्याण्डले दुई महत्वपूर्ण परिर्वतन गर्‍यो । हृयारी केनको स्थानमा जेमी भर्डी र स्टर्लिङको स्थानमा स्टरेज मैदान प्रवेश गरे ।

मैदान प्रवेश गरेको ११ औं मिनेटमा नै भर्डीले बराबरी गोल फर्काए । खेल बराबरीतर्फ उन्मुख भएको थियो । तर, अतिरिक्त समयको अन्तिम मिनेटमा स्टरेजले गोल गर्दै इंग्ल्याण्डलाई जित दिलाएका छन् ।

जितसँगै दुई खेलबाट ४ अंक जोडेको इंग्ल्याण्ड समूह बीको शीर्ष स्थानमा उक्लिएको छ भने ३ अंक जोडेको वेल्स दोस्रो स्थानमा छ । स्लोभाकियाको पनि समान ३ अंक छ भने रसिया एक अंकसहित पुछारमा छ ।

Did you find apk for android? You can find new Free Android Games and apps.

LEAVE A REPLY

Please enter your comment!
Please enter your name here