कस्तो बन्ला बिनिता बिनाको चपली हाईट

126
Want create site? Find Free WordPress Themes and plugins.

काठमाडौं । दीपेन्द्र के खनालको निर्देशन रहेको चलचित्र ‘चपली हाइट-२ को सुटिङ बिहिवारदेखि सुरु भएको छ । चपली हाइटबाट चर्चामा आएकी नायिका बिनिता बराल भने यसमा देखिने छैनन् ।

ललितपुरको कार्यविनायकबाट चलचित्रको सुटिङ सुरु भएको हो । काठमाडौंका सम्भ्रान्त परिवारको कथामा निर्मित चलचित्रमा आयुष्मान देशराज, मरिष्का पोखरेल, परमीता राज्यलक्ष्मी राणाले मुख्य भुमिका निर्वाह गरेका छन् ।

बिनिताविनाको चपली हाईट कस्तो होला ? निर्देशक खनाल भन्छन्, ‘नाम मात्रै एउटै हो, पहिलो चलचित्र र यसको कथा धेरै फरक छ । यसको कथाले बिनिताको गर्दैन ।’

सुटिङ गर्नुअघि एक महिनाजति निर्माण पक्षले वर्कसप गरेको थियो ।

काठमाडौ र कुसरनटारमा वर्कसप र क्लोजक्याम्प गरेपछि सुटिङ सुरु भएको हो । फिल्म निर्माणमा टेबुलवर्क धेरै गर्ने निर्देशकका रुपमा चिनिन्छन् खनाल । अघिल्लो चलचित्र पशुपति प्रसादको १९ दिनमा सुटिङ सकाएका खनालले चपली हाईट-२ को सुटिङ गर्न कति दिन लगाउलान् ? उनले यसबारे अहिल्यै भन्न नसक्ने बताए ।

‘सकेसम्म चाँडो गरौं भन्ने छ तर, कति दिनमा सकिन्छ थाह छैन ।’ खनालले भने ।

Did you find apk for android? You can find new Free Android Games and apps.

LEAVE A REPLY

Please enter your comment!
Please enter your name here