२ नम्बर प्रदेशमा चुनाव गराउन आयोगले माग्यो १ अर्व ७० करोड

77
Want create site? Find Free WordPress Themes and plugins.

असार,२५-
असोज २ गतेका लागि तय गरिएको प्रदेश नं. २ को निर्वाचन व्यवस्थापनका लागि निर्वाचन आयोगले सरकारसँग थप झन्डै १ अर्व ७० करोड रुपैयाँ माग गरेको छ । आयोगको बैठकले निर्वाचनको तयारीका लागि सरकारसँग उक्त थप रकम माग गरेको आयोगका प्रवक्ता सूर्यप्रसाद शर्माले जानकारी दिए । दुई नम्बर प्रदेशको निर्वाचनका लागि मतपेटिका, मतपत्र लगायतका सामग्रीहरु तयारी अवस्थामा रहेपनि आयोगले सरकारसँग थप रकम माग गरेको हो । कर्मचारी परिचालन, मतदाता शिक्षा र तालिम कार्यक्रममा उक्त रकम खर्च गरिने प्रवक्ता शर्माले बताए । आयोगलाई यसअघि सरकारले १० अर्व ६३ करोड ७६ हजार रुपैयाँ दिइसकेको छ । गत फागुन ९ गतेको मन्त्रीपरिषद बैठकले स्थानीय तहको निर्वाचन सम्पन्न गर्न आयोगलाई यो रकम दिने निर्णय गरेको थियो ।

आयोगले गएको शुक्रबार पहिलो र दोश्रो चरणको निर्वाचनका क्रममा पाँच अर्व ५४ करोड खर्च भएको बिवरण प्रस्तुत गरेको थियो । साथै बाँकी ३ अर्ब रुपैया सरकारलाई फिर्ता पठाएको पनि जनाएको थियो । केही दिन भित्र औपचारिक रुपमा खर्च विवरण सार्वजनिक गर्ने तयारी भइरहेको प्रवक्ता शर्माले जानकारी दिए ।
रासस

Did you find apk for android? You can find new Free Android Games and apps.

LEAVE A REPLY

Please enter your comment!
Please enter your name here